Sipas Le Parisien, klubi franecz dëshiron ta transferojë atë gjatë afatit kalimtar të dimrit

Joao felix pritet të jetë njëri prej emrave më të përfolur gjatë afatit kalimtar të dimrit. E ardhmja e tij në Atletico Madrid nuk është edhe aq e sigurt dhe klubet janë duke e monitoruar situatën, sidomos Paris Saint-Germain.

Sipas Le Parisien, transmeton GazetaExpress, për të ka interesim nga Franca dhe PSG është shumë e interesuar që ta transferojë në dimër lojtarin e Atleticos.

Ideja është që portugezi të luajë pjesën e dytë të sezonit me skuadrën nga Parku i Princave. Joao nuk është më në planet e Diego Simeone dhe kjo është parë në fillim të këtij sezoni ku ai më shumë kalon kohë në bankë sesa në fushë. Megjithatë, marrëveshje nuk do të jetë e lehtë të arrihet.

Interesi i PSG-së është evident, por sipas gazetës, Joao Felix e di që Luis Campos dhe drejtori sportiv i parisienëve dhe përfaqësuesi i tij janë duke biseduar që ai të kalojë në PSG. Lidhja e këtyre të treve do të mundësojë një ndryshim skenari dhe ai ta realizojë këtë kalim,

Por, formula për transferimin e tij nuk do të jetë e thjesht pasi që PSG ka disa kufizime financiare nga UEFA, andaj ata mund ta kërkojnë atë në huazim.

Ende ka kohë deri të hapet afati kalimtar i dimrit në janar, por klubi francez tashmë e ka në agjendën e tyre portugezin.

Për më shumë kjo nuk është hera e parë që emri i Joao Felix është në tavolinën e Parisit.

Verën e kaluar, agjenti i tij Jorge mendes ia kishte ofruar lojtarin klubit francez. Tani ata janë kthyer për të, nëse kjo ndodh, sigurisht do të ishte njëra prej lëvizjeve më të mëdha në afatin e janarit.